عزرائيل يركب تاكسى

**Admin** الثلاثاء يونيو 14, 2011 2:18 pm

فى ساعة متأخرة من الليل توقف سائق التاكسى بعد أن أشار له رجل فى الخمسينات من العمر له لحية بيضاء طويلة ويلبس ثياب بيضاء ويمسك بمسبحة طويلة ويبدو على الرجل مظهر الكمال والوقار والهيبة
فقال الرجل لسائق التاكسى : وصلنى لمدينة نصر ياإبنى
فقال له السائق : إتفضل ياعم الحاج
وأثناء سير التاكسى أوقفه رجل وإمرأة وقالوا له : ممكن توصلنا لمدينة نصر ياأسطى
فقال السائق : ممكن بس بعد إستئذان الحاج اللى راكب ورا
فاندهش الرجل والمرأة وقالوا مين اللى راكب ورا ؟؟!!!! مفيش حد راكب معاك إنتوا شارب والا إنت مجنون
فضحك السائق ومضى فى طريقه وهو يقول : والله انتوا اللى شاربين أو مساطيل
وبعد مسافة ليست بالقليلة أوقفه أحد المارة وقال له : ممكن مدينة نصر ياأسطى
قال أتفضل بس إستأذن من الحاج اللى راكب ورا
فنظر الرجل للكرسى الخلفى وقال بإندهاش
مين اللى راكب ورا
مفيش حد معاك
إنت مسطول والا إنت مجنون
وهنا إنزعج السائق وإرتعدت فرائصه ونظر للخلف وقال للرجل ( هوه فيه إيه ياعم الحاج محدش شايفك ليه )
فقال له الرجل : لن يرانى أحد ولن يسمعنى أحد غيرك
قال السائق : ( هل أنت جنى )
قال الرجل : لا
أنا عزرائيل جئت أقبض روحك وباقى ربع ساعة حتى أقبض روحك فقم أنت الآن أنزل لأقرب مسجد وتوضأ وصلى لك ركعتين حتى تكون خاتمتك خاتمة حسنة
فنزل السائق مسرعا وجرى وهو يتكفأ على وجهه
وذهب وصلى ركعتين وعاد
فلم يرى التاكسى
واكتشف فى النهاية أنه كان ضحية عصابة لسرقة التاكسى وأن الذين أوقفوه فى الطريق هم أفراد من ضمن العصابة التى سرقت التاكسى